Reisplan - Namakwaland Blomme Toer & die Weskus
Die Namakwaland Blomme toer neem ons deur Namakwaland en die Weskus tot by Kamieskroon en Vanrhynsdorp.
Namaqualand Flower Tour & the West Coast
West Coast & Seder Mountains Tour
Dates : Available on Request
Prices : From Cape Town to Cape Town and from Gauteng to Gauteng - Available on Request
Included in Tours :
Admission fees for places visisted, Luxury Tour bus, Air Tickets, Tour Guides, Portier fees, Supper, bed & breakfast, En-suite accommodatiom.
Not Included : Tip for bus driver, Lunch and drinks for own account, Last evening's supper excluded – feel free to visit friends or family.
Dag 1 Kaapstad / Lambertsbaai
Die Namakwaland Blomme toer neem ons deur Namakwaland en die Weskus tot by Kamieskroon en Vanrhynsdorp. Op hierdie eerste dag van ons Weskus en Namakwaland blommetoer, vertrek ons vroeg per vlug vanaf Johannesburg. Ons arriveer in Kaapstad, en neem die roete deur die pragtige streek van die Weskus, waar ons reeds mooi blomme gaan sien.
Ons besoek Bokkomlaan in die pragtige Velddrif, en leer van bokkoms. Verderaan ry ons deur Laaiplek, Port Owen, en Dwarskersbos.
Ons geniet 'n uitsonderlike aandete op die kaai in Lambertsbaai, en oornag gerieflik en-suite, aan die Atlantiese oseaan.
Aandete, Bed & Ontbyt ingesluit. Drankies vir u eie rekening.
Dag 2 Lambertsbaai / Vredendal
Vandag lê 'n mooi blommetoer dag vir ons voor. Ons reis deur die Matsikamma en die dorp Vanrhynsdorp, oor die Vanrhynspas na die klein dorpie van Nieuwoudtville, bekend as die bolplant-hoofstad van die wêreld. Hier is bolplante wat inheems is net aan die streek, en ook 'n groot verskeidenheid plante wat meeste van ons nog nooit gesien het nie.
Ons besoek ook die mooi NG Kerk wat uit sandsteen gebou is, en sien die pragtige wit sandsteen-preekstoel in die kerk. Verder reis ons om besoek te bring aan die Nieuwoudtville-waterval, en soek die beste blomme in die streek. In die namiddag keer ons terug na Vanrhynsdorp, waar ons die Vetplantkwekey besoek. Daar kry u geleentheid om 'n vetplantjie of twee te koop. Al die vetplantjies by die kwekery is inheems, en word sorgvuldig vir u verpak.
Ons oornag op Vredendal. Aandete, Bed & Ontbyt is ingesluit.
Dag 3 Vredendal
Nog 'n dag van mooi blomme en pret op ons Weskus en Namakwaland toer. Ons reis vandag verder verby dorpies soos Nuwerus, Bitterfontein, Garies, en Kamieskroon. By Kamieskroon verlaat ons die N7 hoofweg en ry dan na waar ons die beste blommeprag sal kry. Ons keuse lê tussen die Kamiesberge of Namakwa Nasionale Park waar ons besoek aflê by Skilpad.
Na 'n dag van blomme kyk en baie fotos neem, vertrek ons weer en reis deur die Knersvlakte. Daar sien ons besondere vetplantjies wat natuurlik groei tussen die kwartsklippies, wat aan die streek sy unieke karakter en naam gee.
Ons oornag op Vredendal, waar ons bederf gaan word met 'n watertand kontreikos-aandete.
Aandete, Bed & Ontbyt is ingesluit.
Dag 4 Vredendal / Velddrift
Ons besoek vandag Clanwilliam, (Rooibosteestreek) waar die Rooibostee-plante natuurlik groei en rooibostee op groot skaal geproduseer word.
Rooibostee Beperk bied vir ons 'n inligtingsessie oor die produksie en verwerking van rooibos aan.
Dan besoek ons Strassbergers, die beroemde en oudste skoenfabriek in die land, met 'n groot keuse uit 'n verskeidenheid ontwerpe vir mans en dames.
Die pragtige Ramskop Natuurtuin, waar u 'n groot verskeidenheid veldblomme, vetplante en Kokerbome sal sien, is waar ons nog meer kan leer van die besondere plantegroei in die streek. Ons reis neem ons terug na die Suide toe, met pragtige uitsigte van die Olifantsvallei en die Sederberge.
Ons oornag op Velddrift. Aandete, Bed & Ontbyt is ingesluit.
Dag 5 Velddrift / Kaapstad
Vandag op ons blommetoer, besoek ons die Weskus Nasionale Park, en natuurlik ook die blomryke Postberg.
Na ons besoek, vertrek ons terug na Kaapstad en beoog om teen so 5nm by Century City se Tsogo Sun Stay Easy hotel te wees. Ons oornag in Kaapstad. Geen aandete.
Hier is u ideale geleentheid om vir die aand uit te gaan met vriende en familie, of inkopies te doen in die Moederstad.
Alleenlik Bed & Ontbyt ingesluit.
Dag 6 Kaapstad
Na ontbyt, vertrek ons vir 'n besoek aan Kirstenbosch Botaniese tuin, vir die finale afsluit van ons blomme-ervaring in hierdie pragtige Blommekoninkryk aan die Kaap.
Hierna vertrek ons na Kaapstad Internasionale lughawe, waar ons dan ons vlug sal haal, terug na Johannesburg.
Dankie dat u ons vergesel het op ons Weskus en Namakwaland blommetoer!
Ons nooi u vir nog vele toere saam met Toer Suid-Afrika.