Dag  1

Vandag vertrek ons vanaf Lanseria of OR Tambo lughawe.  Ons arriveer in Kaapstad en word ingewag deur ons toerbus by die lughawe. Ons roete neem ons via Wellington, na die pragtige Piekenierskloof en Citrusdal.  Stoppe sal gemaak word op die roete. 

Ons oornag in piekenierskloof/Citrusdal.  Aandete en ontbyt ingesluit. Drankies vir u eie rekening.

Dag 2

Na ‘n goeie nagrus en ontbyt, gaan verken ons die Sederberge en doen aan by Algeria. Die Sederberge is as Wildernisgebied verklaar in 1973. Hierdie 66811 ha berggebied is geleë in die Kaapse Blommestreek, een van Suid-Afrika se Wêreld-erfenisgebiede. As gevolg van die ysteroksiede daarin, is die Sederberge, met hul brand-oranje kleur, oorheersend in die landskap, en maak dit een van die mooiste bergreekse in SA.

Sandsteen formasies soos die Maltese Kruis, Wolfberg boog, en antieke San en Khoi rotskuns, maak hierdie gebied werklik asemrowend.
Ons besoek die Stadsaal grotte en Truitjieskraal in die Sentrale Sederberge.  Stadsaal grotte is ‘n reuse koepel, uitgekalwe deur duisende jare se winderosie en ander weerfaktore.  Daar is nog geskiedkundige graffiti wat bewaar gebly het, van beroemde politiese persone, soos die van DF Malan en Louis Leipoldt, van so ver terug as die laat 1800’s. ‘n Fotografie wonderwêreld van interessante rotsformasies wag in die Sederberge.
Truitjieskraal is nog ‘n pragtige area in die Sederberge, wat eens gedien het as oornagarea vir skape en ander vee wanneer daar met hulle getrek was tussen Winter en Somer weigebiede.
Laatmiddag kom ons in Clanwilliam aan, en oornag op aandete en ontbyt basis.

Dag 3

Na ontbyt gaan besoek ons die Pakhuispas om nog van die besondere sandsteenformasies te sien buite Clanwilliam, waar ons ook aandoen by die graf van Louis Leipoldt, een van die Sederberge en die streek se bekendste figure. Ons besoek ook die Rooibos Teehuis om meer te leer oor hierdie bekende inheemse en heilsame tee. Later besoek ons die Strassberger skoenfabriek, met hul tradisie van egte leerskoene.
Ons oornag in Vredendal op Aandete, bed, en Ontbyt basis. Middagete en drankies is vir u eie rekening.

Dag 4

Vandag besoek ons die mooi dorpies langs die Weskus. Lutzville, Strandfontein en Doringbaai, en eindig op Lambertsbaai. Die Sishen-Saldanha spoorlyn se bekendste brug oor die Olifantsrivier is naby Lutzville, ‘n klein nedersetting naby die groot riviermond van die Olifantsrivier, 300km vanaf Kaapstad.

Dag 5